Mellora da aprendizaxe coa realidade aumentada

Rutas xeolocalizadas, audioguías e códigos QR no IES Maruxa Mallo (Ordes)

Ruta xeolocalizada. Fonte: EDUGA.

Ao longo de dous cursos realizamos no IES Maruxa Mallo de Ordes un proxecto intercentros con dous centros de Toro (Zamora) e La Puebla de Cazalla (Sevilla). Dito proxecto estaba enmarcado nos PROMECE (Proyectos de Innovación y Mejora del Aprendizaje del MEC).

Consistiu nun proxecto de carácter interdisciplinar no que o alumnado confeccionou, a través da realidade aumentada,  diversas rutas xeolocalizadas e unha audioguía para dar a coñecer os aspectos máis significativos de súa localidade. O resultado final foron:

Audioguía do Museo. Fonte EDUGA

24 rutas xeolocalizadas na app GeoAumentaty, 

1 audioguía do Museo do Traxe Juanjo Linares na app izi.Travel e 

varias rutas a través de códigos QR. 

Ruta con QR

As apps empregadas son moi sinxelas e anímovos a que vos animedes a incorporalas a algunhas dos vosos proxectos. 

Ao finalizar o proxecto dende os responsables de EDUGA (Revista Galega de Ensino) solicitáronnos que reflectiramos por escrito a experiencia e así o fixemos. Podedes coñecer máis polo miúdo os pasos, obxectivos,  e resultados obtidos no seguinte enlace do número 73 da devandita revista no apartado de "Experiencias":

Enlace ao artigo:  

http://www.edu.xunta.gal/eduga/1317/experiencias/mellora-da-aprendizaxe-traves-da-realidade-aumentada

Tiven a sorte de poder coordinalo e foi unha experiencia moi enriquecedora.
Agardo que vos aporte algunha idea.